Əsas » 2014 » Aprel » 8 » ”Gənclərə sahibkarlıq təlimlərinin təşkili və keçirilməsi” layihəsinə start verildi
06:04
”Gənclərə sahibkarlıq təlimlərinin təşkili və keçirilməsi” layihəsinə start verildi
Azərbaycan Gənclər Fondunun maliyyə dəstəyi ilə həyata keçirilən ”Gənclərə sahibkarlıq təlimlərinin təşkili və keçirilməsi” layihəsi çərçivəsində Zaqatala şəhərində “Öz Biznesini Başla” təliminə start verildi.
Layihənin rəhbəri Ülviyyə Ağayeva giriş sözü ilə çıxış edərək layihənin məqsədi və gözlənilən nəticələr haqqında məlumat verdi.
Təlimin açılış mərasimində Zaqatala Rayon Gənclər və İdman İdarəsinin əməkdaşı Samir Rəhimli, Zaqatala Tədris Mərkəzinin rəhbəri Cavanşir Ağayev, seminarın təlimçisi Qorxmaz Əfəndiyev, Azərbaycan Müəllimlər İnstitutunun Zaqatala filialının müəllimi Bahar İsmayılova, Azərbaycan Universitetinin müəllimi Seymur Allahverdiyev ölkəmizdə kiçik və orta sahibkarlığın inkişafı, gənclərin fəallığının artırılması ilə əlaqədar görülən işlər, dövlət proqramları haqqında iştirakçılara ətraflı məlumat verdilər, eyni zamanda maariflənmənin vacibliyi, bu işdə xüsusilə gənclərin iştirakının təqdirəlayiq olduğunu, dövlətimizin bu istiqamətdə maarifləndirmə tədbirlərini dəstəklədiyini, təlim iştirakçılarının gənclərdən ibarət olmasının sevindirici hal olduğunu bildirdilər və onlara uğurlar arzuladılar.